რეცეპტის ინგრედიენტები:
6 ცალი კარტოფილი (საშუალო ზომის)
3 ს/კ ზეითუნის ზეთი
5 კბილი ნიორი
5 ცალი დაფნის ფოთოლი
3 ღერო როზმარინი (სასურველია ქორფა)
მწვანილი
1 ს/კ ძმარი (საუკეთესოა ღვინის)
~ მომზადების წესი ~
1. ახალი კარტოფილის შემთხვევაში საკმარისია კარგად გარეცხოთ, ძველი კი აუცილებლად უნდა გათალოთ კიდეც. დაასხით წყალი და მოხარშეთ მაღალ ცეცხლზე (ადუღებიდან 7-8 წთ). შემდეგ გადაუწურეთ წყალი, ხელსახოცით შეამშრალეთ კარტოფილი და გემოვნებით მოაყარეთ მარილი და პილპილი.
2. საცხობი ლანგარი დაფარეთ ფოლგით და მოასხით 2 ს/კ ზეითუნის ზეთი (სურვილის შესაბამიად შეიძლება მცენარეული ზეთი). კარგად ამოავლეთ მასში კარტოფილი და დაალაგეთ ისინი ერთრიგად. შედგით 200 გრადუსზე გაცხელებულ ღუმელში 30 წუთი.
3. ამასობაში მოამზადეთ არომატული სანელებლების საკმაზი: აიღეთ გამხმარი ან ნედლი როზმარინი, რეჰანი და სხვა მწვანილები თქვენი სურვილის მიხედვით. მოასხით 1 ს/კ ძმარი და დარჩენილი 1 ს/კ ზეითუნის ზეთი. აურიეთ, დაუმატეთ დაფნის ფოთოლი და ნივრის კბილები (ნიორს ქერქს არ ვაცლით).
4. 30 წუთის გასვლის შემდეგ გამოიღეთ კარტოფილი და საჭყლეტით ოდნავ დააწექით თითოეულს. შემდეგ მოასხით მომზადებული სანელებლების საკმაზი და ისევ შედგით ღუმელში 20-25 წუთი. 5. ღუმელიდან გამოიღებთ კარტოფილს მშვენიერი არომატითა და ოქროსფერი კანით. გემრიელად მიირთვით!